शंकर थापा अछाम
अछामको बान्नीगढी जयगढ गाउँपालिकामा बेरोजगारी फाराम भर्नेहरुको संख्या १ हजार ९८ पुगेकोे छ । रोजगार सेवा केन्द्रका अनुसार गाउँपालिकाको वडा नंम्वर १ गाज्रामा ५३, वडा नम्वर २ जनालीकोटमा २७, वडा नंम्वर ३ बरदादेवीमा २ सय ८४, वडा नम्वर ४ तिमिल्सैनमा ७६, वडा नम्वर ५ कालीकामा ६३, र वडा नम्वर ६ दर्नामा ५ सय ५९ जनाले आफू बेरोजगार भएको भन्दै न्यूनतम रोजगारीका लागि फाराम भरेका हुन् ।
रोजगार संयोजक रुपकराज ओझाका अनुसार फाराम भरेका १ हजार ९८ नाको नाम रोजगार सेवा केन्द्रमा सूचिकृत गरिएको छ । सुचिकृत भएका वडा मध्य सबै भन्दा बढी वडा नम्वर ६ दर्ना बाट फारम भरेका छन । भने सबै भन्दा कम वडा नम्वर २ जनालीकोट बाट फारम भरेका छन ।
सरकारले प्रधानमन्त्री रोजगार कार्यक्रम सञ्चालन गरेपछि न्यूनतम १०० दिनको रोजगारी दिने घोषणा गरेपछि कार्यक्रमप्रति उत्साह बढेको हो । यसबर्ष ३० दिनको रोजगारीका लागि सरकारले बजेट विनियोजन गरिसकेको छ । बान्नीगढी जयगढ गाउँपालिकामा २० लाख बजेट विनियोजन भएको छ ।
जसबाट यस आर्थिक वर्षको असार मसान्त भित्रमा छोनोट गरीएका व्यक्तिहरुले ३० दिनको रोजगारी पाउने भएका छन् । गाउँपालिकाका सबै वडाहरुमा छनोट गरिएका आयोजनाहरुमा सम्बन्धित वडा कार्यालयले छनोट गर्ने र छनोट भएका व्यक्तिहरु लाई रोजगार दिईने बताईएको छ । यसैबिच आज हामिले बान्नीगढी जयगढ गाउँपालिकाका रोजगार संयोजक रुपक राज ओझा संग कुराकानी गरेका छौँ ।
सुनौँ यो कुराकानि
