यो भाईरल हुनुको कारण हो अहिले बजार तताएको प्रकाश सपुतको गित ’गलबन्दी’ । युट्युबको ट्रेडिङको नम्बर १ मा रहेको गितको एउटा डाइलग हो ’ढिलो आयो कडा आयो’ ।
यो गित प्रकाश सपुत र शान्ति श्री परियारले गाएका हुन् । अभिनय भने सपुत स्वयं र अन्जली अधिकारीको छ । यो गित गाउँले परिवेशमा रातको समय रोधी बस्ने स्टाइलमा तयार भएको छ । रातको समय गाउँका मानिसहरु टर्च बालेर दोहोरी हेर्न पुग्छन । माहोल तयार भईसकेको हुन्छ । अन्तिममा सपुत पुगेर ’सुरु गरौ ’ भन्दै गित सुरु गर्छन ।
उनले सुरु गर्छन ’भेट भैयो झमक्क साँझमा, राख्छु तिम्लाई यो दिलको माझमा’ । भाका हुन्छ ’गलबन्दी, गलबन्दी च्यातियो तिम्ले तानेर, बोलाउन खोजेको आफ्नै ठानेर’ ।
यसपछि सपुत उताबाट जवाफको लागि केहि बेर पर्खनछन तर जवाफ आउदैन । यो बीचमा उपस्थित भएका अन्य बाट फकाउन नसकेको आदि डाइलग चल्छ ।
फेरी उनी आफै गाउँन थाल्छन ।
’मैले यता मन पेट खोल्नी, ढुंगा हो कि देवता हो नबोल्नी’
यो सक्दा पनि उता बाट जवाफ आउदैन । डाइलगहरु आई रहन्छ ।
फेरी सपुत नै गाउँन थाल्छन ।
’गाईदेउ गित किन भाउ खाकी छौ, कि त् मुखमा पिडालु राखिछौ’
यति गर्दा पनि जवाफ नआए दिक्क मान्दै सपुत ’गाउदिन्न म’ भन्दै उठेर हिड्न खोज्छन ।
बल्ल उताबाट जवाफ आउँछ ’ भो भो कान्छा नगर आश मेरो, त्यो दिलमा हुदैन बास मेरो’ । भाका हुन्छ ’पछ्यौरी, पछ्यौरी च्यातियो तिम्ले तानेर, फकाउन नखोज सोझी ठानेर’ ।
३ पटकपछि बल्ल जवाफ आएपछि सहभागी एक जनाले भन्छन् ’ढिलो आयो कडा आयो’ । अहिले सामाजिक संजालमा उनले भनेकै यो डाइलग भाईरल भएको हो ।
त्यसपछि दोहोरीले निरन्तरता पाउंछ ।
हेर्नुस गित:-
यो पनिः–
‘गलबन्दी’ गायकलाई सिधैँ नेपाल प्रहरीका आइजिपीको फोन !
गायक प्रकाश सपुतलाई नेपाल प्रहरीका आइजिपी सर्वेन्द्र खनालले फोन गरेर बधाइ दिएका छन् । खनालले ‘गलबन्दी’ जस्तो मौलिक गीत पस्केको धन्यबाद दिँदै निरन्तरताको लागि शुभकामना दिएका हुन् ।
गायक सपुतले आफ्नो फेसबुकमा स्टाटस लेख्दै ‘गलबन्दी’ को सफलता सम्पूर्ण संगीतकर्मीका लागि भएको बताएका छन्। ‘गल्बन्दी शब्द संगितले मात्रै भन्दा पनि यसको मौलिक र स्वभाविक प्रस्तुतीकरणले मन पराइएको हो र अन्ततस् नेपालीलाई नेपालीपन नै मन पर्ने रैछ भन्ने कुरा गित संगित, चलचित्र, साहित्य सबै तिर पुनर्विचार हुन थालेको छ ।हामीले कुनै पनि हालतमा त्यो विश्वासलाई बिच्कन दिनुहुन्न है।’ उनले भने।
सपुतको स्टाटस
म जहाँ पुगेको छु त्यहा केबल “गल्बन्दी” को सफलताको चर्चा मात्रै भएको छैन लोक संगित र मौलिकताको सवाल समेत दरो गरि उठेको छ । विभिन्न पेशामा आवद्द नेपाल भित्र र बिश्व भरि बाट धेरै नेपालीहरुले हाम्रो लागि हाम्रै गित निकाल्नु भएकोमा धन्यबाद भन्दै लामो लामो म्यासेज गर्नु भएको छ ।
हिजो मात्रै यसअघि पर्सनल्ली चिनजान नभएको भएपनि आईजिपि सर्वेन्द्र खनाल ज्युले प्रत्यक्ष फोन नै गरेर राम्रो र मौलिक गीत पस्कनु भएकोमा धन्यबाद दिँदै यसलाई निरन्तरता दिन आग्रह गर्नु भएको थियो । यो एउटा उदाहरण मात्रै । जो यसअघि लोकदोहोरी गीतका नियमित पारखी होइनन् उनीहरुको समेत यता रुचि बढेको छ।
यो पर्सनल्ली मेरो र बोलमायार गल्बन्दी टिमको भन्दा पनि समग्र लोक संगितकर्मी लागि सुखद कुरा हो जस्तो लाग्छ । गल्बन्दी शब्द संगितले मात्रै भन्दा पनि यसको मौलिक र स्वभाविक प्रस्तुतीकरणले मन पराइएको हो र अन्ततस् नेपालीलाई नेपालीपन नै मन पर्ने रै’छ भन्ने कुरा गीत संगित, चलचित्र, साहित्य सबैतिर पुनर्विचार हुन थालेको छ । हामीले कुनै पनि हालतमा त्यो विश्वासलाई बिच्कन दिनुहुन्न है ।
चर्चित गायक सपुतसंग केन्द्रबिन्दुले लिएको अन्तर्वार्ताः–
यो पनिः–
गलबन्दीले युट्युब ट्रेन्डिङमा कब्जा जमायो ! (भिडियोसहित)
प्रकाश सपुत र शान्तिश्री परियारको लोक दोहोरी ‘गलबन्दी’को म्युजिक भिडियोले ६ दिन देखि युट्युबको १ नम्बर ट्रेन्डिङ् ओगटेको छ । सार्वजनिक भएको ६ दिनपछि शनिबारसम्ममा गीतको भिडियोलाई ५० लाख बढीपटक हेरिएको छ ।
सपूतले अघिल्लो वर्ष निर्माण गरेको लोक गीत ‘बोल माया’ पनि युट्युब ट्रेन्डिङको नं. एकमा आएको थियो । जुन गीत अहिलेसम्म एक करोडभन्दा बढी पटक हेरिएको छ । बोलमायाकै पूर्वभाग ‘प्रिक्वेल’को रुपमा ‘गलबन्दी’ ल्याएको सपुतले बताए ।
गलबन्दीमा पनि शब्द, सङ्गीत, स्वर र श्रव्यदृश्य निर्देशन सपुतकै छ । स्वरमा सपुतलाई शान्तिश्री परियारको साथ छ । म्युजिक भिडियोमा सपुत र अञ्जली अधिकारीको अभिनय छ । भिडियो छायाङ्कन सपुतकै जन्मघर बागलुङ, धम्जामा गरिएको छ ।
‘परम्परागत रोधीको झझल्को आउने गरी गीत बनेको छ’, सपुतले भने, ‘राम्रो प्रतिक्रिया आएको छ, उत्साहित छु ।’ मौलिक शब्द, सङ्गीत र प्रस्तुतीकरणका कारण गीतलाई स्रोता, दर्शकले रुचाएका छन् ।
म्युजिक भिडियोको कथा, सोच र निर्माणपक्षसमेतले गीतलाई न्याय गरेको छ । लोक दोहोरीमा विशुद्ध मानवीय प्रेम र संवेदनाको भाव प्रकट भएको छ । ‘एकदमै रमाइलोका लागि बनाइएको गीत हो’, सपुतले भने, ‘भिडियोमा नयाँपन दिने प्रयास गरेको छु ।’
कथात्मक शैली, सिर्जनशीलता, अनौपचारिक प्रस्तुति, ठेट सम्वाद र जीवन्त अभिनयले दर्शक गीतमा लोभिन्छन् । सपुत चञ्चले युवक र अधिकारी लज्जालु युवतीका रुपमा म्युजिक भिडियोमा देखिएका छन् ।
गीतको मर्म र भावलाई भिडियोमा मौलिक ढङ्गले उतार्न निर्देशकका हिसावले पनि सपुत सफल देखिनुभएको छ । भिडियो हेर्ने जो कोहीलाई कलाकारको अभिनय बनावटी लाग्दैन ।
भाका नेपाल प्रालिद्वारा निर्मित गीतको म्युजिक भिडियोमा सपुतका आमाबुबा, भाइ र आफन्जनकोसमेत अभिनय देख्न पाइन्छ । यसअघि ‘दोहोरी ब्याटल’ गाएर विवादित बनेका सपुतले सामाजिक विषयवस्तुलाई सिर्जनामार्फत मुखरित गर्दै आएका छन् ।
गत वर्ष सार्वजनिक ‘बोल माया’ विदेशमा प्रियजन गुमाउने नेपाली परिवारको वेदनामा आधारित लोकगीत हो । विषयवस्तुको छनौट र प्रस्तुतीकरणमा ध्यान दिनसके सफल भइने पाठ आफूले सिकेको सपुतको भनाइ थियो ।
पछिल्लो समय लोकदोहोरी गीतले युट्युबमा राम्रो दर्शक पाउन थालेका छन् । गत असोजमा सार्वजनिक भएको लोकदोहोरी ‘सालको पातको टपरी’ चार करोड भन्दा बढी पटक हेरिएको छ । उक्त गीत नै युट्युबमा सबैभन्दा बढी हेरिएको पहिलो नेपाली लोकदोहोरी बन्न सफल भएको छ ।
म्युजिक भिडियो हेर्ने, लाइक, कमेन्ट, शेयर र ‘सब्सक्राइब’ गर्नेको संख्याका आधारमा युट्युबमा गीतको चर्चा मापन हुन्छ । सोही आधारमा कलाकारले पैसा पाउँछन् । पैसा आउनका लागि तोकिएको संख्यामा हेरिनुपर्ने र सब्सक्राइबर (युट्युब च्यानलको समूह सदस्य) पुग्नुपर्ने प्रावधान छ ।
शुरुमा युट्युब एकाउन्ट परीक्षणमा रहने र ‘मोनिटाइज’ भएपछि मात्र पैसा आउने गरेको छ । श्रव्य क्यासेट, सिडी, सिआरविटी हुँदै सङ्गीत व्यवसाय अहिले युट्युबमा केन्द्रित छ । प्रविधिको फड्कोले सङ्गीत बजारको स्वरुप बदलेको हो ।
