भारतीय क्रिकेट टिमका कप्तान विराट कोहली २० हजार अन्तर्राष्ट्रिय रन पुरा गर्ने विश्वको १२ औं खेलाडी बन्न अझै अर्को इनिङ्स कुनु पर्ने भएको छ ।
१०४ रनले पछि परेका विराट शनिबारको खेलमा उत्कृष्ट पारि खेलेको भए पुरा गर्ने आंकलन गरिएको थियो । विराटले २० हजार रन पुरा गरेको भए कम इनिङ्समा यति रन बनाउने पहिलो खेलाडी बन्ने थिए । अहिले यो रेकर्ड भारतका सचिन तेन्दुलकर र वेस्टइण्डिजका ब्रायन लाराको नाममा रहेको छ ।
अफगानिस्तानविरुद्ध तेस्रो नम्बरमा ब्याटिङ गर्न आएका विराटले ६३ बलमा ६७ रन बनाए । उनले पाँच चौका प्रहार गरेका थिए । विराटलाई मोहम्मद नाबीले आउट गराएका हुन् ।
एक दिवसीयको २२३ औं पारिमा ६७ रन थप्दै १९हजार ९ सय ६३ रन बनाएका छन् । अब उनले वेस्टइण्डिजविरुद्ध ३७ रन जोड्न सके २० हजार रन बनाउने विश्वको १२ औं र भारतको तेस्रो खेलाडी बन्ने छन् । समग्र र भारतमा सचिन शीर्ष स्थानमा छन् भने राहुल द्रविड दोस्रो स्थानमा छन् ।
कोहलीले अहिलेसम्म एक दिवसीयमा ११ हजार २० रन टेस्टमा ६ हजार ६ सय १३ र टी–२० मा २ हजार ३ सय ३० रन बनाइसकेका छन् ।
यी दुवैले टेस्ट, एकदिवसीय र टी २० गरि ४५३ इनिङ्समा पुरा गरेका थिए । कोहलीले भने अहिलेसम्म टेस्ट, एक दिवसीय र टी २० गरि ४१६ इनिङ्समात्रै खेलेका छन् । टेस्टमा १३१, एक दिवसीयमा २२३ र टी २० मा ६२ इनिङ्समा ब्याटिङ गरेका छन् ।
