एजेन्सी, १८ असार । उत्कृष्ट फिनिसरको उपमा पाएका भारतीय विकेटकिपर ब्याट्सम्यान महेन्द्रसिंह धोनी जारी विश्वकपमा आलोचित बनेका छन् ।
इंग्ल्याण्डसँगको म्याचमा उनले जानी जानी खेल हराएको भन्दै खुबै आलोचना भयो भने अफगानिस्तानविरुद्धको खेलमा थोरै रन बनाउँदा पनि उनकै कारण रहेको भन्दै आलोचना गरियो । धोनी जारी विश्वकप खेल्ने सर्वाधिक पाका उमेरका मध्य एक खेलाडी पर्छन् ।
महेन्द्रसिंह धोनीको यो विश्वकप अन्तिम विश्वकप भनेर यसअघिदेखि नै सार्वजनिक भएको कुरा पनि हो । विश्वकप हरेक चार वर्षमा हुने हुँदा पक्कै पनि धोनीले अर्को विश्वकप खेल्ने छैनन् । उनले चाँडै सन्यास लिने बताइए पनि मिति भने ठ्याक्कै घोषणा पनि भएको छैन् ।
तर भारतीय सञ्चारमाध्यम ‘प्रेस ट्रस्ट अफ इन्डिया’ ‘पीटीआई’ लाई उदृत गर्दै धोनीले विश्वकप लगत्तै सन्यास लिने दावी गरेका छन् । पीटीआईले बीसीसीआईका एक अधिकारीलाई कोर्ट गर्दै धोनीले विश्वकपको अन्तिम खेलपछि सन्यास लिने बताइएको छ । भारत जारी विश्वकपमको सेमिफाइनलमा पुगिसकेको छ ।
लिग चरणमा अझै श्रीलंकासँग खेल्न बाँकी छ भने फाइनल पुगे अब तीन खेल खेल्नु पर्ने छ । त्यसैले कम्तिमा तीन खेलपछि सन्यास लिने दावी गरिएको छ । पीटीआईको खबरलाई आधार मान्ने हो धोनीले विश्वकपको फाइनलमा भारत पुगे १४ जुलाईमा हुने खेल नै अन्तिम हुने छ ।
बीसीसीआईका ती अधिकारीले भने ‘तपाई धोनीको बारेमा केही भन्न सकिँदैन, तर कुरा के हो भने विश्वकप पछि पनि उनी एकदिवसीय क्रिकेट खेल्लान भन्ने मलाई विश्वास छैन् ।
‘भारतका सर्वाधिक सफल कप्तानको छबी बनाएका धोनीले कप्तानी पनि यति चाँडै छाड्लान भन्ने कसैले अनुमान नै नगरेकाले यस पटक पनि त्यस्तै अप्रत्यासित खबर आउन सक्छ’ ती अधिकारीको दावी थियो ।
धोनीले जारी विश्वकपमा अहिलेसम्म २२३ रन बनाएका छन् । उनलाई अहिले स्ट्राइक रोटेट गर्न निकै गाह्रो परिरहेको छ । साथै ठूलो सर्ट प्रहार गर्न पनि उनी लगातार असफल भइरहेका छन् ।
