जेष्ठ १४ अछाम
अछामको बलाताका आगलागी पीडितलाई आज राहत वितरण गरिएको छ । जिल्ला दैवी प्रकोप उद्दार समितिको नेतृत्वमा गएको सरोकारवालाको टोलिले राहात वितरण गरेको हो ।
ढकारी गाउँपालिकाका अध्यक्ष धनबहादुर बुढाको अध्यक्षता तथा मंगलसेन नगरपालिकाका प्रमुख पदमबहादुर बोहराको प्रमुख आतिथ्यता र प्रमुख जिल्ला अधिकारी भोजराज श्रेष्ठको विशिस्ट आथित्यतामा भएको राहत वितरण समारोहमा नगद ४ लाख ७० हजार २ सय १० रुपैयाँ तथा १ लाख ५० हजार बढिको खाद्यान्न र लत्ताकपडा वितरण गरिएको छ ।
समारोहमा गाउँपालिकाका अध्यक्ष धनबहादुर बुढाले आफ्नो एक वर्ष बरावरको ३ लाख ६० हजार तलव आगलागी पिडितलाइ दिने प्रतिवद्धता गर्नु भएको छ । यस्तै उपाध्यक्ष लक्ष्मी साउदले एक महिनाको तलव पिडितलाइ दिने बचन दिनु भएको छ ।
समारोहमा पिडितको राहतका लागि मंगलसेन बजारमा संकलन गरिएको ८० हजार १० रुपैयाँ, दैबिप्रकोप उद्दार समितिको तर्फबाट ५० हजार, ढकारी गाउपालिकाले बजार क्षेत्रबाट र कर्मचारीबाट संकलन गरेको ३ लाख ३४ हजार दुई सय लगायत विभिन्न व्यक्तिबाट सङ्कलन गरिएको रकम र खाधान्न र लत्ताकपडा वितरण गरिएको थियो ।
यहि जेठको १० गते भएको आगलागीका कारण ढकारी गाउपालिका ४ बलाताका वडाध्यक्ष भक्तबहादुर बुढा सहित स्थानीय रामबहादुर बुढा, मिमबहादुर बुढा, जोगि बुढा र इन्द्र बुढागरी ५ परिवारका ९ वटा घरगोठ जलेर ध्वस्त हुदा करोडौंको क्षेती भएको थियो ।
राहत वितरण समारोहमा नेकपाका पुर्व प्रदेश कमिटी सदस्य बम बहादुर बिसि, नेपाली काङ्ग्रेसका महासमिति सदस्य पुस्पबहादुर शाह र बलबहादुर कुवरले सहयोगका लागि पहल गर्ने प्रतिबद्धता सहित मन्तव्य राखेका थिए ।
रेडक्रसका मन्त्री ध्रुब कुमार शाही, मंगलसेन नगरपालिकाका खरिदार नरेश कठायत लगायत पत्रकार सहितको उपस्थितिमा सम्पन्न कार्यक्रमको सन्चालन गाउँपालिकाका प्रमुख प्रशासकीय अधिकृत टेकबहादुर ओलिले गर्नु भएको थियोे ।
