प्रधानमन्त्री कप एकदिवसिय क्रिकेट प्रतियोगिताको समुहको अन्तिम खेलमा गण्डकी प्रदेशले सुदुरपश्चिम प्रदेशलाई मात्र ९० रनको लक्ष्य दिएको छ ।
निकै फितलो ब्याटिङ गरेको गण्डकीका कुनैपनि खेलाडी विच राम्रो साझेदारी हुन सकेन । उसले एक रनमा पहिलो विकेट गुमाउदा आठ रनमा दोस्रो र १५ रनमा तेस्रो विकेट खेल फाल्यो । एकपछि अर्को विकेट गुमाएको उसले ६३ रन बनाउदा ६ विकेट गुमाएको थियो ।
तर त्यसपछि पनि उसको विकेट झर्ने क्रम रोकिएन र मात्र ८९ रनमा अलआउट भयो । उसका लागि राहुल शर्माले ४१ तथा आकाश थापाले १२ रन बनाए । यस्तै किशोर महतोले १४ रनको योगदान गरे । गण्डकीलाई कम स्कोरमा रोक्न विनोद लामाले ५ विकेट लिए ।
