होम साउद ६ साउन, साफेबगर
नेपालमै पहिलोपटक अछामको साफेबगर नगरपालिकाका २ वडा पोषणमैत्री वडा घोषणा भएका छन । नगरपालिकाको वडा नम्वर १ बैजनाथ र वडानम्वर ६ भागेश्वरलाई पोषण मैत्री घोषणा गरिएको हो । साफेबगर नगरपालिकामा आयोजित संयुक्त कार्यक्रममा पुर्व उपप्रधानमन्त्री भिमबहादुर रावलले पोषणमैत्री नमुना घर प्रदर्शन गर्दै नेपाकै पहिलो पोषणमैत्री स्थानीय शासन वडा घोषणा गर्नुभयो ।
पोषणमैत्री घोषणाका लागि पूरा गर्नुपर्ने सबै ७१ वटा सुचक पूरा भएपछि औपचारिक समारोहका विच दुबै वडालाई पोषणमैत्री घोषणा गरिएको जनाईयको छ । घोषणा कार्यक्रममा प्रमुख अतिथिको आशनबाट बोल्दै पुर्ब उपप्रधानमन्त्री रावलले आजका बालबालिका नै हाम्रो भबिस्य भएकोले उनिहरुलाई पोषणयुक्त बनाउनुपर्ने बताउनुभयो । घोषणालाई दिगो र टिकाउ बनाउन सबै जनप्रतिनिधिले जनताको विश्वासलाई डग्न दिन नहुनेमा जोड समेत दिनुभयो ।
घरको अन्न खायमा शरिरलाई पोषिलो बनाउने भएकोले अमृत समान घरको अन्न खानुपर्ने बताउनुभयो । साथै नेता रावलले मदिराको कारण समस्या सृजना भएकोले पोषणमैत्री हुनका लागि मदिराको सेवन अन्त्य जरुरी रहेको उल्लेख गर्नुभयो । साफेबगर नगरले गरेको प्रशन्सनिय कार्यको सम्मान सहित धन्यवाद समेत ब्याक्त गर्नुभयो ।
नगरप्रमुख कुलबहादुर कुवरको अध्यक्षतामा भएको कार्यक्रममा राष्ट्रिय सभा सदस्य शेरबहादुर कुवर र सुदुरपश्चिम प्रदेश सामाजिक विकास मन्त्री कृष्णराज सुवेदि बिशिस्ट अतिथि रहनुभयको थियो । कार्यक्रममा प्रदेशसभा सदस्य हर्कबहादुर कुवर, मिना साउद,जिल्ला समन्वय समिती प्रमुख नर बहादुर कुवर,
नेकपाका जिल्ला सचिव झपट साउद, दिपायल सिलगढि नगरपालिका डोटिका नगरप्रमुख मञ्जु मलासि, बडिमालिका नगरपालिका बाजुराका प्रमुख पदम बढुवाल, मंगलसेन नगरपालिका प्रमुख पदम बहादुर बोहरा, बान्नीगढी जयगढ गाउपालिकाका अध्यक्ष राजेन्द्र खड्का, प्रमुख जिल्ला अधिकारी भोजराज श्रेष्ठ लगाएतले मन्तब्य राख्नु भएको थियो ।
कार्यक्रम पोषणमैत्री घोषणा भएका वडानम्वर १ का अध्यक्ष अमर शतह र ६ का अध्यक्ष प्रेमराज शर्माले वडागत पोषण अवस्थाबारेको प्रतिवेदन प्रस्तुत गर्नुभएको थियो । नगर उपप्रमुख बिरमला बुढथापाले स्वागत मन्तब्य राख्नुभएको घोषणा कार्यक्रमको सञ्चालन सुरत बहादुर खड्काले गर्नुभएको थियो ।।
