शंकर थापा अछाम
डडेल्धुराको अमरगढि नगरपालिका उप प्रमुख अध्यक्ष संगिता भण्डारीले जनप्रतिनिधि जनताका सेवक भएकाले आफुले गरेका कार्य तथा सार्वजनिक सेवा प्रवाहमा स्वयम् जवाफदेहि बन्नु पर्ने बताउनुभएको छ । उहाँले ग्रामीण विकास प्रशिक्षण केन्द्रलाई सुदुर पश्चिम प्रदेशको प्राज्ञिक र अनुसन्धानको क्षत्रमा एउटा केन्द्र विन्दु बनाउने अभियानमा आफुले साथ र सहयोग गर्ने प्रतिवद्धता जनाउनुभयो ।
कार्यक्रमका प्रमुख अतिथि स्थानिय विकास प्रशिक्षण प्रतिष्ठानका नव नियुक्ति कार्यकारी निर्देशक पित कुमार श्रेष्ठले यस्ता खालका तालिममा नगरपालिकाका सबै शाखा प्रमुखहरु, लेखा प्रमुख, प्रमुख प्रशासकीय अधिकृतहरु पनि अनिवार्य सहभागी गराउनु पर्ने कुरामा जोड दिनुभयो ।
प्रशिक्षण कार्यक्रममा बोल्दै उहाँले भन्नुभयो,“केन्द्रका प्रमुख टापेन्द्र रिजालको प्रशिक्षण शैली राम्रो भन्ने सुनेको थिए, मंगलसेनमा अनुगमनमा जादा बास्तविकता थाहा पाए, खुसि लाग्यो” यसैबिच स्थानिय तहको सेवा प्रवहमा एकरुपता ल्याउन र क्षमता विकासमा प्रतिष्ठान र यस अन्तर्गतका प्रशिक्षण केन्द्रहरु सातै प्रदेशमा रहेका प्रशिक्षण केन्द्रहरु लागिरहेको विचार समेत राख्नुभएको थियो ।
यसैबिच शिखर नगरपालिकाका उप प्रमुख धौलि रावले प्रशिक्षण ठिक समयमा राखि सहभागी हुने अवसर पाएको र सिकेका कुरा व्यवहारमा लागू गरेरै छाड्ने विचार राख्नुभएको थियो । सोहि कार्यक्रमका अतिथि प्रतिष्ठानका निर्देशक जयकृष्ण श्रेष्ठले हाम्रो मुख्य दायित्व ७ सय ५३ ओटा स्थानिय तहका जनप्रतिनिधि र कर्मचारिहरुको क्षमता विकास गर्ने मुख्य जिम्मेवार रहेको बताउनुभयो ।
सघिय मामिला तथा सामान्य प्रशासन मन्त्रालयको आधिकारिक प्रशिक्षण केन्द्र रहेको जानकारी समेत दिनुभएको थियो । कार्यक्रममा जाईका सेरा प्रोजेक्टका फिल्ड सयोजक सगिता रानाले स्वागत तथा उद्देश्यका बारेमा प्रकाश पार्नुभएको थियो भने सामाजिक विकास अधिकृत लाल बहादुर साउदले शुभकामना मन्तव्य राख्नुभएको थियो ।
कार्यक्रमको सन्चालन ग्रामिण विकास प्रशिक्षण केन्द्र डोटिका प्रमुख तथा मुख्य प्रशिक्षक टापेन्द्र रिजालले गर्नुभएको थियो । शिखर नगरपालिका डोटी र अमरगढी नगरपालिका डडेल्धुराको अनुरोधमा कार्यक्रम सञ्चालन भएको हो ।
