शंकर थापा, अछाम : अछामका विभिन्न पालिकामा मर्यादित महिनावारी व्यवस्थापनका लागि सचेतनामूलक कार्यक्रम सञ्चालन भैरहेका छन् । जिल्लाको तुर्माखाँद गाउँपालिकाबाट शुरु गरिएको मर्यादित महिनावारी व्यवस्थापनका लागि सचेतनामूलक सांस्कृतिक महोत्सव अछामको रामारोशन गाउँपालिकामा पनि गरिएको छ ।
रामारोशन गाउँपालिका, ग्रामिण जलस्रोत व्यावस्थापन परियोजनाको आयोजनामा सचेतनामुलक साँस्कृतिक महोत्सव कार्यक्रमको आयोजना गरिएको थियो । गाउँपालिका निमत्त प्रमुख प्रशासकिय अधिकृत प्रभुनाथ देवकोटाको अध्यक्षतामा भएको कार्यक्रममा प्रमुख अतिथि रामारोशन गाउँपालिकाका अध्यक्ष मान बहादुर साँउद रहनुभएको थियो ।
प्रमुख अतिथिको आसन बाट बोल्दै गाउँपालिका अध्यक्ष साउँदले मर्यादित महिनावारी व्यावस्थापनका लागी सबैले पहल गर्नुपर्ने बताउनुभएको छ । महिनावारी भएको समयमा घर भन्दा बाहरि असुरक्षित तवरले बस्नुपर्ने बाध्यतालाई हटाउनका लागी हरेक सचत नागरिकले पहल चाल्न आवश्यक रहेको बताउनुभएको छ ।
जिल्लाका बिभिन्न स्थानमा महिनावारी भएको समयमा छाउगोठ्मा बस्दा कैयौँले अकालमै ज्यान गुमाएका घटनाहरु सुनिएको अवगत गराउदै यस्ता खालका घटनाहरु हुन नदिनका लागी घर बाटै हरेक महिलाहरु र उनिहरुका परिवारले पनि जागरुप हुन आवश्यक रहेको उल्लेख गर्नुभयो ।
शुदुरपश्चिम प्रदेशमा प्रचलित रहेको छाउप्रथालाई निर्मुल पार्नका लागी हरेक निकायले सकारात्मक जनचेतनामुलक अभियानहरु सञ्चालन गर्न आवश्यक रहेको उहाँको भनाई छ ।
अछाम जिल्ला छाउपडि गोठमुक्त जिल्ला घोषणा भईसकेको भन्दै यसलाई निरन्तर्ता दिनका लागी हरेकले लाग्नुपर्ने बताउनुभयो । अब सबैले आफु, घर, गाउँ समाज बाटनै छाउप्रथाको अन्त्य गर्न सबैलाई आग्रह गर्नुभयो । मर्यादित महिनावारी व्यावस्थापनका लागी आफु र रामारोशन गाउँपालिकाको तर्फबाट सक्दो सहयोग गर्ने गर्ने प्रतिबद्धता जनाउनुभयो ।
आगमि आर्थिक बर्षको बजेटमा मर्यादित महिनावारी व्यावस्थापनका लागी बजेट व्यावस्थापन गर्ने भनाई राख्नुभएको छ । यसैबिच कार्यक्रममा नेकपा माओवादि केन्द्रका शुदुरपश्चिम प्रदेश सदस्य तथा रामारोशन गाउँपालिकाका निवर्तमान उपाध्यक्ष सरस्वती रावल, नेकपा एमालेका प्रदेश कमिटी सदस्य चक्र बहादुर रावल, र शुदुरपश्चिम प्रदेशका मर्यादित महिनावारी व्यावस्थापन सद्धभावना राजदुत तथा गायिका रेखा जोशी रहनुभएको थियो ।
विश्व महिनावारी स्वच्छता दिवसको अवसरमा बिशेषगरि महिनावारी हुदा स्वास्थ्यमा आउने समस्यालाई मध्ये नजर गर्दै ध्यान दिनुपर्ने बिषय र मर्यादित महिनावारि समन्धी चनचेतनामुलक सन्देशहरु कार्यक्रम मार्फत सहभागीहरु लाई कलाकारहरुले जनचेतना जगाएका थिए ।
ग्रामिण जलस्रोत व्यावस्थापन परियोजनाका जलस्रोत अधिकृत लक्ष्मीराज पाध्यायको स्वागत मन्तव्य बाट सुरुभएको कार्यक्रमको सञ्चालन रामारोशन गाउँपालिकाका एमआईएस अपरेटर दल बहादुर साउँद र देवेन्द्र प्रसाद भाटले गर्नुभएको थियो ।
