श्रावण २० सोमबार
अछाममा बिप्लब समुहका एक कार्यकर्ता पक्राउ परेका छन । जिल्लाको तुर्माखाँद गाउँपालिकाको वडा नम्बर ६ रानिबनका प्रतिवन्दित विप्लव समुहका कार्यकर्ता जनक न्यौपानेलाई घरबाटै पक्राउ गरेको जिल्ला प्रहरी कार्यालय अछामले जानकारी दीएको छ ।
आफ्नै घरमा सुतीरहेको अवस्था मै उनलाई गस्तीमा खटीएको प्रहरी टोलीले शनिवार पक्राउ गरेको हो । पक्राउ परेका न्यौपाने विप्लव समूहका तुर्माखाँद गाउँ कमिटी ईन्चार्ज भएको अछामका प्रहरी प्रमुख डिएसपी जनक बहादुर शाहीले बताउनुभयो ।
उनलाई तुर्माखाँदमा रहेको एनसेल टावरमा आगजनी गरेको आरोपमा पक्राउ गरिएको हो । यसैबिच अछाम प्रहरीले प्रतिबन्धित नेपाल कम्युनिष्ट पार्टी विप्लवका गतिविधि नियन्त्रण गर्न प्रहरी परिचालन गरेको जनाएको छ ।
जिल्लाको पूर्वी क्षेत्रमा विप्लव कार्यकर्ताले विभिन्न विध्वंसात्मक गतिविधि बढाएको भन्दै प्रहरीले बाक्लो मात्रामा गस्ती परीचालन सहित सर्च अप्रेसन नै चलाएको जनाएको छ । प्रहरीको सर्च अपरेसन पछि दुर्गम क्षेत्रका जंगलहरूमा अहिले बाक्लो मात्रामा प्रहरी देखिन थालेका छन् ।
जिल्लाको तुर्माखाँद गाउँपालिका, पञ्चदेवल विनायक नगरपालिका, रामारोशन गाउँपालिका र ढकारी गाउँपालिकाको जंगल क्षेत्रमा प्रहरीले निगरानी बढाएको हो । २४सै घण्टा प्रहरीले सादा पोसाकमा गस्ती गरिरहेको छ । जिल्ला प्रहरी प्रमुख डिएसपी जनक शाहीका अनुसार विप्लव कार्यकर्ता पक्राउ गर्न प्रहरीले स्थानीय नागरिकसँग पनि समन्वय गरिरहेको छ । society sanchar bata
