होम साउद, अछाम २३ साउन
२०७५ को एसईई परिक्षाको ग्रेडबृद्धि (पुरक) परिक्षाका लागि अछाममा परिक्षा केन्द्र निर्धारण गरिएको छ । शिक्षा विकास तथा समन्वय ईकाई अछामका अनुसार जिल्लाका बिभिन्न ६ ठाउँमा ग्रेडबृद्धि परिक्षाको लागि परिक्षा केन्द्र निर्धारण गरिएको छ ।
गत बिगतमा सदरमुकाम मंगलसैनमा मात्रै मौका परिक्षा सञ्चालन हुने भएपनि यो वर्ष अन्य स्थानमा पनि परिक्षा केन्द्र तोकिएको छ । बिभिन्न स्थानीय तह र विद्यालयलाई फरक फरक स्थानमा परिक्षा केन्द्र तोकिएको शिक्षा विकास तथा समन्वय ईकाई अछामले जनाएको छ ।
भदौ १ गतेबाट हुने ग्रेडबृद्धि परिक्षामा अछामका ३ हजार जना परिक्षार्थी सहभागि हुन लागेका छन । यो वर्ष षोडशादेवी मावि, अछाम क्याम्पस, राधा मावि मंगलसैन तथा महेन्द्र मावि बयालपाटा, जनकल्याँण मावि साँफेबगर र सरस्वती मावि जयगढमा परिक्षा केन्द्र तोकिएको शिक्षा विकास तथा समन्वय ईकाई अछामका डम्मर रावलले जानकारी दिनुभयो ।
षोडशा मावि मंगलसैनमा मंगलसैन नगरपालिका, ढकारी गाउँपालिका र पञ्चदेवल बिनायक नगरपालिकाका बिभिन्न विद्यालयहरुबाट ६५५ जना परिक्षार्थी रहने भएका छन भने अछाम क्याम्पसमा तुर्माखाँद गाउँपालिका र कमलबजार नगरपालिकाका सबै बिद्यालयका ५५५ जनाले परिक्षा दिने ब्यावस्था मिलाईएको छ ।
यस्तै राधा मावि बोगटीगाउँ केन्द्रमा षोडशा देवी मावि मंगलसैनका विद्यार्थिहरु, मंगला नेरा मावि वलिगाउँ, गंगा मावि तेसिंगे र अन्नपूर्ण मावि कालागाउँका गरि २३१ जनाले परिक्षा दिने प्रवन्ध शिक्षा विकास तथा समन्वय ईकाई अछामले गरेको छ । यसैगरि महेन्द्र मावि बयालपाटा केन्द्रमा चौरपाटी गाउँपालिकाका बिभिन्न विद्यालय, सरस्वी मावि जयगढ र राष्टभाषा मावि गाँज्राका गरि ६८६जनाले परिक्षा दिनेछन ।
जनकल्याँण मावि साँफेबगर परिक्षा केन्द्रमा महेन्द्र मावि बयालपाटा र मेल्लेख गाउँपालिका अन्र्तगतका विद्यालयबाट ४०२ जना बिद्यार्थिले परिक्षा दिने ब्यावस्था मिलाईएको छ । यस्तै सरस्वती मावि जयगढ परिक्षा केन्द्रमा बान्नीगढी जयगढ गाउँपालिकाका सरस्वती मावि र राष्टभाषा मावि बाहेकका विद्यालय र रामारोशन गाउँपालिकाका विद्यालयबाट ४७१ जना परिक्षार्थीले परिक्षा दिने ब्यावस्था गरिएको शिक्षा विकास तथा समन्वय ईकाई अछामले जनाएको छ ।
विद्यार्थि संख्या बढी भएकाले विद्यार्थिको सहजिलोका लागि परिक्षा केन्द्र बढाएको शिक्षा विकास तथा समन्वय ईकाई अछामका प्रमुख लक्ष्मण गिरिले जानकारी दिनुभयो । साथै परिक्षाका लागि सम्पूर्ण तयारीका कार्यहरु अघि बढिरहेको समेत प्रमुख गिरिले बताउँनुभयो ।
आवाज
