साउन ३२,अछाम
अछामलाई २०७६ भाद्र मसान्त सम्म पूर्ण साक्षर जिल्ला घोषणाको तयारी भईरहेको बेला जिल्लाका विभिन्न स्थानिय तहका वडाहरु साक्षर घोषणा गरिरहेका छन । सोही अवसरमा साँफेबगर नगरपालिका वडा नम्बर ६ लाई एक कार्यक्रमका बिच पूर्ण साक्षर वडा घोषणा गरीएको छ ।
वडाका १५ बर्ष देखि ६० बर्ष उमेर वडाका ९८.४० प्रतिशत जनता साक्षर भए सँगै वडालाई पूर्ण साक्षर वडा घोषणा गरिएको वडा अध्यक्ष प्रेमराज शर्माले जानकारी दिनुभएको छ । वडाका १५ बर्ष देखि ६० बर्ष उमेर समूहका ८ सय १७ जनसंख्या मध्ये ३ सय ८७ महिला र ४ सय १७ पुरुष गरि ८ सय ४ जनसंख्या साक्षर रहेको तथ्याङ्क छ । वडाका ८ महिला र ५ पुरुष गरी १३ जनामात्र सो उमेर समूहका जनता निरिक्षक रहेको वडा कार्यालयले जनाएको छ ।
वडा अध्यक्ष प्रेमराज शर्माको अध्यक्षतामा भएको कार्यक्रमका प्रमुख अतिथी नेपाल राष्टिय शिक्षक संगठनका जिल्ला अध्यक्ष जानकी बोहरा रहनु भएको थियो । प्रमुख अतिथी बोहराले शिक्षालाई गुणस्तण वनाउन सबै सरोकारवालाले एक जुट भएर लाग्नु पर्ने धारणा ब्यक्त गर्नु भयो । उहाँले वडालाई साक्षर घोषणका लागि मात्र सिमिती नभई शिक्षित दर्जाका लागि पनि ध्यान दिनु पर्ने बताउनु भयो ।
रिडिकोट पूर्ण साक्षर वडा घोषणा
साँफेबगर नगरपालिका वडा नं. ७ रिडिकोटलाई एक कार्यक्रमका विच पूर्ण साक्षर वडा घोषणा गरिएको छ । १५ बर्ष देखि ६० बर्ष उमेर वडाका ९९.८१ प्रतिशत जनता साक्षर भए सँगै वडालाई पूर्ण साक्षर वडा घोषणा गरीएको वडा अध्यक्ष मिठ्ठु सिहं भाटले जानकारी दिनुभयो । वडाका १५ बर्ष देखि ६० बर्ष उमेर समूहका एक हजार ६ सय २० मध्ये ७ सय ७४ महिला तथा ८ सय ४३ पुरुष गरी एक हजार ६ सय १७ जनसंख्या साक्षर भएको वडा कार्यलयले जानकारी दिएको छ ।
यस्तै वडामा ३ जना महिला मात्र निरिक्षर रहेको वडा कार्यालयमा तथ्याङ्क रहेको छ । वडा अध्यक्ष मिठ्ठु सिह भाटको अध्यक्षतामा भएको साक्षरता वडा घोष्ण कार्यक्रमका प्रमुख अतिथी नगर शिक्षा शाखा प्रमुख नर बहादुर कार्की रहनु भएको थियो । कार्यक्रममा नेकपाका पार्टी प्रतिनिधी चन्द्र बहादुर बुढा, नेपालि काग्रेसका उपेन्द्र स्वार, कालिका टोल विकास समिती अध्यक्ष हिक्मत कडायत, महिला संञ्जालका अध्यक्ष धनकला कुमाल लगाएतले मतव्य राख्नु भएको थियो ।
अछाम जिल्लालाई २०७६ भाद्र मसान्त सम्म साक्षर जिल्ला घोषणाको तयारी अन्तरगत आज वडालाई साक्षर घोषणा गरीएको हो । साक्षरता वडा घोषणाको लागि मोवाईल तथा घडि हेरी समय बताउन सक्ने, ० देखि ९ सम्मको अंक बताउन सक्ने, बैँक भौचर भर्न सक्ने, ट्राफिक चिन्ह चिन्न सक्ने लगायतका चिन्न वा भन्न सक्ने भए वडा साक्षर घोषणा गर्न सकिने नेपाल सरकारको अवधारणा रहेको छ ।
साक्षर घोषणा कार्यक्रममा वडा सदस्य सकुन्तला भुल, जेष्ठ नागरीक, समाजसेवि बुद्धीजिवी लगाएतको सहभागीता रहेको थियो । वडा सदस्य एकेन्द्र भुलले स्वागत मतव्य राख्नुभएको कार्यक्रमको संञ्चालन वडा सचिव शोभिता शाहले गर्नुुभएको थियो ।
