चन्द्र प्रसाद भाट,अछाम
मौसममा आएको परीबर्तन सँगै अछामका स्वास्थ्य सस्थाहरुमा ज्वरोका बिरामिको सँख्यामा बृद्धि भएको छ । चर्को गर्मी तथा लगातारको वर्षातसंगै मौसममा आएको परिवर्तनले अहिले ज्वरोका बिरामी बढेका छन् । जिल्ला अस्पताल अछामका मेडिकल अधिकृत डाः अतुल भारद्धाज का अनुसिार अहिले दैनिक ६०÷७० प्रतिशत बिरामी ज्वरोकै कारण अस्पताल आउने गरेका छन् ।
यो सरुवा रोग भएकाले घरका एक जनामा देखिएपछि अन्य सदस्यलाई पनि सर्ने गरेको छ । डा. भारद्धाजका अनुसार प्रतिकूल मौसम, खानपानमा ध्यान नदिनु, सरसफाइको कमी लगायतका कारण सरुवा भाइरल ज्वरोका बिरामी बढेका हुन् । ज्वरो आउने, चिसो लाग्ने, वान्ता हुने, टाउको दुख्ने जस्ता लक्षण्हरु देखिन थालेका छन ।
बिशेष गरी अछामका स्वास्थ्य सस्थाहरुमा दैनीकजसो बालबालीकाहरु बढि मात्रामा आउने गरेका छन । पछिल्लो समय आमाको स्तनपानको कमिका कारण बजारको दुध बालबालीका हरु लाई खुवाउने गरेका कारण पनि बालबालीका यसबाट बढि प्रभाबित हुने गरेको उहाँको भनाई छ ।
ज्वरोका बिरामी बढि मात्रामा आउने र त्यसमा पनि बालबालीका हरु बढि मात्रामा आउने गरेको डा ःभारद्धाज को भनाई छ । बढ्दो जनसँख्याका कारण जलबायू परीबर्तन हुँदा पनि यो समयमा बिरामीहरु को सँख्यामा बृद्धि हुने गरको उहाँको भनाई छ । जनसँख्या बृद्धि हुँदा बस्ती निर्माण का लागी बन जँगलको फडानी गर्न थालिएपछि जलबायूमा असर परेको उनको भनाई छ ।
“बर्षा यामको समय भएका कारण पानीका मुहान हरुमा बर्षाको भलहरु मिसिन्छ,भलले गर्दा पानी दुषित हुन्छ”डा ः भारद्धाज ले भने। ग्रामिण बस्तीमा कामको बोझका कारण पानी शुद्धिकरणमा ध्यान नदिदा बिशेष गरी पानीजन्य रोगहरु बढि मात्रामा फैलीने गरैको मेडिकल अधिकृत भारद्धाजको भनाई छ ।
यो समयमा यस्तो समस्या देखिएमा तत्काल चिकित्सकसंग सम्पर्क गर्न तथा प्रशस्त पानी पिउन, आराम गर्न, रोगीले प्रयोग गरेका रुमाल लगायतका वस्तु प्रयोग नगर्न तथा नछुन, र हात धोइरहने गरेमा यस किसिमको रोगबाट बच्न सकिने डा. भारद्धाज को सुझाव छ ।
