चन्द्र भण्डारी भदौ,७ अछाम
अछाम प्रहरीले घरेलु तथा अवैध न्युन गुणस्तरको मदिरा नियन्त्रणको अभियानलाई तीव्रता दिएकोे छ । मदिरा सेवनका कारण समाजमा विभिन्न हींसाका घटनाहरुमा वृद्धी हुनुका साथै विकृतीजन्य घटनाहरु बढेको भन्दै प्रहरीले गस्ती टोली मार्फत न्युन गुणस्तरको मदिरा नियन्त्रणको अभियान थालेको हो ।
अभियान कै क्रममा जिल्ला प्रहरी कार्यालय अछाम मातहत जिल्लाको रामरोशन गाउँपालिका अन्र्तगत सान्तडा बाट खटीएको प्रहरी गस्ती टोलीले स्थानीयको पसल बाट बरामद गरेको घरेलु तथा अवैध न्युन गुणस्तरको मदिरा नष्ट गरीएको छ । प्रहरीले गाउँपालिकाको वडा नम्वर १ मलातीकोटका स्थानिय दिपक साउदको पसलमा लुकाई छिपाई राखेको अवस्थामा घरेलु २३ लिटर अबैध मदिरा बरामद गरी नष्ट गरीएको हो ।
बरामद गरीएको अबैध मदिरा वडा अध्यक्ष खडक बहादुर साउद,शान्तडा प्रहरी चौकी र स्थानियको रोहभरमा नष्ट गरीएको अछाम प्रहरीले जनाएको छ । यस भन्दा अगाडी पनि अछाम प्रहरी मातहत अन्र्ततका जिल्लाका बिभिन्न ठाउँका युनिट बाट खटेको टोलीले जिल्लाको पंचदेवल विनायक नगरपालिका, साँफेबगर नगरपालिका र तुर्माखाँद गाउँपालिकाका,चौरपाटी गाउँपालिका,
रामारोशन गाउँपालिका विभिन्न वडामा खानतलास गरी न्युन गुणस्तर र अबैध मदिरा नष्ट गरीएको जिल्ला प्रहरी कार्यालय अछामले जानकारी दीएको छ । अछाम जिल्लामा लामो समयदेखी प्रहरीले अवैध मदिरा नियन्त्रणको प्रयास जारी राखेको छ । तर पनि लुकीछीपी घरेलु तथा न्युन गुणस्तरको मदिरा विक्री वितरणको क्रम भने रोकीएको छैन ।
