असाढ ६ अछाम : नेपाल कम्यूनिष्ट पार्टी नेकपाका स्थाई कमिटी सदस्य तथा पूर्व उपप्रधानमन्त्री भीमबहादुर रावलले काँग्रेसका नेताहरुले गरेको कुप्रचारको भ्रममा अब जनता नपर्ने बताँउनुभएको छ ।
जिल्लाका बिभिन्न पालिका स्तरमा जनसभा कार्यक्रममा ब्यस्त रहनुभएका नेता रावलले मेल्लेख गाउँपालिकामा आयोजित कार्यक्रमलाई सम्वोधन गर्दै जनताका आँखामा कुनैपनि लोकप्रिय कार्यक्रम ल्याँउन नसकेको बरु कम्यूनिष्ट सरकारले ल्याएका जनमैत्री कार्यक्रम सहनै नसकेको बताँउनुभयो ।
नेता रावलले नेपाली कम्यूनिष्टहरुले गणतन्त्र ल्याँउन आवस्यकता अनुसारको संघर्ष गरेको बताँउनुभयो । कम्यूनिष्टहरुको संघर्षपूर्ण आन्दोलन र शान्तिपूणृआन्दोलनकै परिणाम स्वरुप देश अहिलेको अवस्थामा पुगेको भन्दै महिला, दलित, जनजाती र अल्पसंख्यक तथा पिछडीएको क्षेत्रका जनताका छोराछोरीहरु पनि देशको उच्च तहमा पुग्न सफल भएको उल्लेखगर्नुभयो ।
जनमैत्री र जनहितका लागि लोकप्रिय नीति तथा कार्यक्रम सहित कम्यूनिष्ट अघि बढेकाले मात्रै जनताको अपार माया पाएर हालको सफलता हाँसिल गर्न सफल भएको नेता रावलको भनाई छ । देश र जनताको स्वाभिमान, राष्ट्रियता, अखण्डता र स्वतन्त्रता जोगाउनका लागि नै नेकपालाई जनताले भरोसा र विश्वास गरेको बताँउनुभयो ।
तरनेपाली काँग्रेसले जनता र देशको हित हुने कुनैपनि काम नगरेको रावलको भनाई छ । जनसभा कार्यक्रममा नेकपाका बिभिन्न तहका नेताहरु अतिथीको रुपमा रहनुभएको थियो भने मेल्लेख स्थित नेता कार्यकर्ता र स्थानीयको सहभागिता रहेको थियो ।
