चन्द्र भण्डारी,अछाम ७ असार
जिल्लाको रामारोशन गाउँपालिकामा ब्यावसायिक शिक्षा तर्फ आईएसी एजी पढाई सञ्चालन हुने भएको छ । यसै शैक्षिक सत्र बाट नेरा मावि रामारोशन–२ चाफामाण्डौले आईएस्सी एजी पढाई संञ्चालन गर्न लागेको हो ।
पर्यटकीय गाउँपालिका र कृषिमा अथाह सम्भावना भएको क्षेत्र भएपनि प्राविधीक र गुणस्तरीय तथा आधुनिक शिक्षाको पढाई हासम्म पनि सञ्चालन हुन नसकेकाले आईएस्सी एजीको पढाई सुरु गर्न लागेको बिद्यालयले जनाएको छ ।
प्राबिधिक तथा ब्यावशायिक शिक्षा अन्तर्गत को बालि बिज्ञान तर्फ आईएसीएजी कक्षा सन्चालन का लागि सबै प्रक्रिया पुरा भईसकेको बिधालयका प्रधानाध्यापक मनोज रावलले बताउनु भयो । आर्थिक ब्यावस्थापन र भौतिक संरचना सुधारका गर्न सम्बन्धित निकाय संग पहल भइरहेको उहाँले बताउनुभयो ।
शिक्षा, बिज्ञान तथा प्रबिधि मन्तालय शिक्षा तथा मानव बिकाश स्रोत केन्द्रको शैक्षिक प्राबिधिक शाखा बाट अनुदानमा सञ्चालन हुने गरि अनुमति प्राप्त भईसकेको प्रधानाध्यापक रावलले बताउनुभयो । बिधालयमा ४८ जनाको कोटा हुने र अहिले भर्ना अभियान चलिरहेको जनाईएको छ ।
जम्मा १८ जना शिक्षक रहेको नेरा मावि चाफामाण्डौ २०१९ सालमा स्थापना भई यस क्षेत्रको शिक्षामा महत्वपूर्ण योगदान गर्दै आएको छ ।
गाउँपालिकाभीत्रै प्राविधिक शिक्षाको पढाई सञ्चालन हुने भएपछि स्थानीय बिद्यार्थिहरु निकै खुसी भएका छन । यसबाट बाहिर गएर महंगो शुल्क तिरेर पढन नसक्ने बिद्यार्थिहरुका लागि निकै राहत मिल्ने स्थानीयको विश्वास छ ।
