राजेन्द्र कुवँर अछाम
नेपाल समृद्ध नेपाल र सुखी नेपाली भन्ने मुल नाराका साथ चौरपाटी गाउँ पालिका वडा नम्बर ५ लुग्रालाइ पुर्ण साक्षर वडा घोषणा गरिएको छ । घोषणा सभामा प्रमुख अतिथिको आसन बाट बोल्दै गाउँ पालिका अध्यक्ष हर्कबहादुर साउदले सिङ्गो गाउँ पालिका नै साक्षर गाउँ पालिका घोषणाको अभियानना लागेकोले सबै सरोकारवालालाई सहयोग गर्न आग्रह गर्नु भयो ।
चौरपाटी गाउँ पालिकाको पछिल्लो समयमा औपचारिक शिक्षाको शैक्षिक गुणस्तर खस्किदै गएकोले सबैलाई चिन्तित बनाएको बताउदै अध्यक्ष साउदले सबै एकजुट भएर सुधार गर्न लाग्न आग्रह गर्नु भयो ।
चौरपाटी गाउँ पालिकाको आयोजनामा भएको घोषणा कार्यक्रममा वाक नेपालको प्राबिधिक सहयोग रहेको थियो भने कार्यक्रमका बारेमा वाक नेपालका पुर्ण शाहले जानकारी गराउनु भएको थियो ।
घोषणा कार्यक्रममा नेपाल कम्युनिस्ट पार्टी (नेकपा ) दलबहादुर खडका नेपाली काग्रेशका जगतबहादुर खड्का वडा सदस्य देउमल खड्का धनबहादुर खाती दयापिपलतोला माध्यमिक बिधालयका प्रधानाध्यापक प्रेमबहादुर खड्का लगाएतले बोल्नु भएको थियोे ।
चौरपाटी गाउँ पालिका वडा नम्बर ५ का वडा अध्यक्ष टेकबहादुर खड्काको अध्यक्षतामा भएको कार्यक्रममा वडा सदस्य नरपता पाण्डेले स्वागत गर्नु भएको थियोे भने प्राविधिक कविता गिरिले संचालन गर्नु भएको थियोे ।
