असर १८ अछाम
मेल्लेख गाउपालिकाले गाउँटोलमा रहेका निरक्षर नागरिकको लागि घरमै कक्षा सञ्चालन गर्ने भएको छ । गाउपालिकालाई साउन महिनाभित्र पुर्ण साक्षर घोषणा गर्ने लक्ष्य अनुरुप अभियान सञ्चालन गर्न लागिएको गाउपालिका अध्यक्ष लोकवहादुर बोहराले बताउनुभएको छ ।
आज मेल्लेखमा बसेको शिक्षा समितिको बैठकले ८ वडा रहेको मेल्लेख गाउपालिकाका सबै वडामा रहेका निरक्षरहरुलाई पत्ता लगाई कक्षा सञ्चालन गर्न लागिएको उहाले जानकारी दिनुभयो ।
निरक्षर विद्यार्थीलाई स्टेशनरी सामाग्री गाउपालिका शिक्षा शाखाले उपलब्ध गराउने छ । गाउमा रहेका शिक्षित व्यक्तिले एक विद्यार्थी पढाए वाफत गाउपालिकाले ५ सय रुपैया उपलब्ध गराउने भएको छ ।
अछामलाई भदौ भित्र साक्षर जिल्ला घोषणा गर्ने उदेश्य अनुसार अछामका स्थानिय तहले साक्षरता अभियान सञ्चालन गरीरहेका छन् ।
