होम साउद, असार २१ अछाम
अछामका ३ वटा सामुदायिक वनमा वैज्ञानीक वन ब्यावस्थापन कार्यक्रम लागु हुने भएको छ । डिभिजन वन कार्यालय अछामले आयोजना गरेको दिगो वन ब्यावस्थापनका लागि वैज्ञानीक वन ब्यावस्थापन कार्यक्रम अन्र्तगत सामुदायिक वनको कार्ययोजना सम्वन्धि अन्र्तक्रिया कार्यक्रममा उक्त जानकारी दिईएको हो ।
वैज्ञानीक वन ब्यावस्थापन कार्यक्रम मंगलसैन नगरपालिका १ को लेष्टिगाड सामुदायिक वन, मालिका सामुदायिक वन मनपा १३ बस्ति र चौरपाटी गाउँपालिका ४ को नवरत्न सामुदायिक वनमा यसै वर्षवाट लागु हुन लागेको हो ।
वैज्ञानीक वन ब्यावस्थापन कार्यक्रमका लागि ३ वटै सामुदायिक वनहरुको कार्ययोजना पनि तयार पारिसकिएको सो अवसरमा जानकारी गराईएको थियो ।
डिभिजन वन अधिकृत नारायणदेव भट्राईले वैज्ञानीक वन ब्यावस्थापन कार्यक्रमबाट वनको दिगोपना र ब्यावस्थापन हुने तथा उपभोक्ता र राज्यका लागि पनि आम्दानीको श्रोत हुनेमा जोड दिनुभयोे ।
यसअघि त्रिपुरासुन्दरी सामुदायिक वन मार्कुमा सञ्चालन भएको वैज्ञानिक वन ब्यावस्थापन कार्यक्रम निकै प्रभावकारी भएको समेत सो अवसरमा जानकारी गराईएको थियो । ४१२ वटा सामुदायिक वन रहेको अछाम जिल्लामा ५७ प्रतिशत वनक्षेत्र रहेको छ ।
अन्र्तक्रियामा सहभागि पत्रकारहरुले वैज्ञानिक वन ब्यावस्थापन कार्यक्रमलाई सफल पार्न सहयोग गर्ने भन्दै यसबाट उपभोक्ता र राज्यका लागि पनि फाईदा हुने भएकाले यसलाई बढाँउदै लैजानुपर्नेमा जोड दिएका थिए ।
अन्र्तक्रियामा जिल्ला स्थित विभिन्न सञ्चार माध्ययममा कार्यरत पत्रकार वैज्ञानिक वन ब्यावस्थापन कार्यक्रम लागु हुने सामुदायिक वनका प्रतिनिधि र डिभिजन वन कार्यालय मातहतका कर्मचारीहरुको सहभागिता रहेको थियो ।
