होम साउद, अछाम २३ असार
मंगलसैन नगरपालीका भीत्रका प्रधानाध्यापकहरुको अन्र्तविद्यालय भ्रमण अवलोकन कार्यक्रम आज सम्पन्न भएको छ । नगरको शिक्षा युवा तथा खेलकुद शाखाको आयोजनामा भ्रमण तथा विद्यालय अवलोकन कार्यक्रम भएको हो ।
नगरभीत्रका ४८ वटा विद्यालयका प्रधानाध्यापकहरुको सहभागीतामा मंगलसैन नगरपालिकाको वडानम्वर १ मा रहेको प्रगतिशिल आधारभूत विद्यालय लेष्टिगाड र कुन्ती माध्यामिक विद्यालयमा निरक्षण गरिएको हो ।
अवलोकन भ्रमण पश्चात कुन्ती माविमा विद्यालय ब्यावास्थापन समिति अध्यक्ष पूर्ण बहादुुर रानाको अध्यक्षतामा समिक्षात्मक कार्यक्रम पनि भएको छ ।
कार्यक्रममा मंगलसैन नगरपालिकाका मेयेर पदमबहादुर बोहरा प्रमुख अतिथी रहनुभएको थियो । बोहराले नगरभीत्रको शैक्षीक अवस्था सुधारका लागि एक अर्को विद्यालयको सिकाई आदान प्रदान गरि अघि बढ्नुपर्नेमा जोड दिनुभयो ।
कुन्ती माविले छोटो समयमै नमूना र उदाहरणीय रुपमा सबै ब्यावस्थापन गर्न सकेको भन्दै सवै प्रअहरुले आफ्नो विद्यालयको सुधारका लागि पहल गर्नुपर्नेमा जोड समेत दिनुभयो ।
उक्त समिक्षात्मक छलफलमा वडानम्वर ११ का अध्यक्ष डबल सिंह भण्डारी, वडानम्वर १ का अध्यक्ष गोपाल थापा, अन्नपूर्ण मावि कालागाउँका प्रअ रतन थापाले शुभकामना मन्तब्य राख्नुभएको थियो ।
वडानम्वर १० का अध्यक्ष नेत्रबहादुरु रावल, वडानम्वर २ का अध्यक्ष मानबहादुर बोगटी लगायत सरोकारवालाको सहभागिता रहेको उक्त कार्यक्रमको संचालन मंगलसैन नगरपालिका शिक्षा युवा तथा खेलकुद शाखाका प्रमुख बृकेश बोगटीले गर्नुभएको थियो ।
