चन्द्र भाट जेष्ठ २१ बिनायक
बिद्यामन्दीर नमुना माध्यामीक बिद्यालय बिनायकमा आँखाका रोगीहरुका लागी २ दिने निशुल्क आँखा शिबिर सुरु भएको छ । सुदूर पश्चिम प्रदेश सरकार सामाजिक बिकास मन्त्रालय, स्वास्थ्य निर्देशनालय दिपायल तथा गेटा आँखा अस्पतालको आयोजनामा जेष्ठ २१ र २२ गते आँखा शिविर संचालन गरीएको हो ।
शिबिरमा मोतिविन्दु लगायत आँखाका रोगीहरुको निःशुल्क अप्रेशन गरिनुको साथै निःशुल्क औषधि उपचार समेत गरिने बताईएको छ । चश्माको आवस्यकता भएका ५० वर्ष उमेर भन्दा माथिकालाई बिशेष छूटमा चश्मा उपलब्ध गरिएको आयोजकले जनाएको छ ।
शिबिरमा पञ्चदेवल बिनायक नगरपालीका,कमबलजार नगरपालीका,रामारोशन गाउपालीका,तुर्माखाँद गाउपालीकाका सेवा ग्राहीह्रुले सेवा लिरहेका छन । शिबिरको पहिलो दिन आज करीब ५ सय भन्दा बढिले सेवा लिएका छन । त्यसमध्ये ३३ जनाको सफल अप्रेसन गरीएको बताईएको छ भने १ सय जनालाई चश्मा बितरण गरीएको आयोजकले जनाएको छ ।
आफ्नै गाउ ठाउमा आएर सेवा प्रदान गरेकोमा स्थानियहरु हर्षित भएका छन । पञ्चदेवल बिनायक नगरपालीका वडा नः ३ का अध्यक्ष सुरेन्द्र कुमार शाहिको अध्यक्षतामा भएको उद्धघाटन कार्यक्रममा नगर प्रमुख देबराज देबकोटा प्रमुख अथिति रहनुभएको थियो ।
अन्य अथितिमा नेपाल कम्न्यूष्ट पार्टि (नेकपा) का सुदुरपश्चिम प्रदेश कमिटि सदस्य नन्द बः कडायत,नगरपालीकाका निमित्त प्रमुख लक्ष्मीकान्त बज्गाई,गेटा आँखा अस्पतालका डाः दिक्षा मल्ल,बिद्यामन्दीर नमुना माबिका प्राचार्य बर बः शाहि लगाएतका अतिथि रहनुभएको थियो । शिबिर उद्धघाटन कार्यक्रमको सञ्चालन पत्रकार महासँघ अछामका सह–सचिब तपेन्द्र बः धामीले गर्नुभएको थियो ।
