चन्द्र प्रसाद भाट,कमलबजार अछाम
सामुदायिक बिद्यालय निजि शिक्षक संघर्ष समिति कमलबजार नगरपालीका द्धारा कमलबजार नगरपालीकामा ज्ञापनपत्र पेश गरीएको छ । आफुले ६ महिनाको तलब भत्ता नपाएको भन्दै उनिहरुले तलब पाउनुपर्ने माग राख्दै नगरपालीका लाई ज्ञापनपत्र बुझाएका हुन ।
निजि शिक्षकहरुले लामो समयसम्म शिक्षण गरेको तर आन्तरीक स्रोत बाट तलब खाने निजि शिक्षकहरुको तलब भत्ता निकासाका लागी नगरपालीकाले कुनै पहल नगरेको भन्दै उनिहरुले तत्काल तलब निकासाका लागी नगरपालकिाको ध्यानाकर्षण गराएका हुन ।
पहिले नगरपालीकाले निजि शिक्षकहरु का लागी ६ महिनाको अनुदान भनेर बजेट बिनियोजन गरेको तर हाल आएर ३ महिनाको तलब कटौती गरी ३ महिनाको मात्र दिएपछि उनीहरु आक्रोषित भएका हुन ।
सामुदायिक बिद्यालय निजि शिक्षक संघर्ष समिति कमलबजार नगरपालीकाका अध्यक्ष टेक बहादुर जनाला र सचिब देबिराम देबकोटा द्धारा हस्ताक्षरीत ज्ञापनपत्रमा नगर ले आफ्ना मागहरु पुरा नगरेकाले आसार १२ गतेबाट सामुदायिक बिद्यालयहरुमा अनिश्चीतकालीन तालाबन्दी गर्ने र त्यसको ३ दिन पछि वडा कार्यालय र नगरपालीका कार्यालयमा समेत तालाबन्दी गर्ने चेतावनी दिएको छ ।
