राजेन्द्र कुवर अछाम
सुदुरपश्चिम प्रदेश अछाम जिल्लाको छब्बीस क्षेत्रमा अवस्थित रामारोशन गाउँ पालिकामा रहेको रामारोशनलाई प्राकृतिक मनोरञ्जन लिनका लागि हेर्न सबै भन्दा उपयुक्त स्थान रहेको छ ।
प्राकृतिक रूपमा निर्माण भएका बाह्र वटा ठुला ठुला ताल र १८ वटा घासे मैदान रहेको रामारोशन क्षेत्रमा मुनाल राष्ट्रिय चरो डाफे कालिजको मुख्य बाँस स्थान रहेको छ ।
रामारोशनमा रहेका ठुला तालहरु बिस्तारै पुरिन थाले पछि संरक्षणको पर्खाइमा रहे पनि अहिलेसम्म स्थानीय तह प्रदेश सरकारको ध्यान जान नसकेको स्थानीय बासिको गुनासो रहेको छ ।
बन्यजन्तुमा चितुवा , बाघ,भालु,घोरल बदेल कस्तुरी ,मृग र थारको बाँस स्थान रहेको रामारोशन प्राकृतिक रूपमा निकै सुन्दर र आकर्षक रहेको छ ।
समुद्री सतह देखि करिब २४ सय मिटर उचाइमा रहेको रामारोशनमा लौठ,धुबी सल्ला,बाज,कटुज विभिन्न थरिका लाली गुराँस लगाएतका वनस्पति जडिबुटीको भण्डार रहेको छ ।
प्राकृतिक रूपमा बनेको तालमा गाउँ पालिकाले संचालन गरिरहेको डुङ्गामा शयर गरेर भरपुर मनोरञ्जन लिन सकिन्छ भने चलचित्र र गीति भिडियोअको छायांकन गर्न सबै भन्दा उत्तम स्थानको रूपमा रहेकोे छ रामारोशन ।
कला संस्कृतिको धनिको रूपमा रहेको सुदुरपश्चिम प्रदेशको अछाम जिल्लाको रामारोशन क्षेत्रमा तपाईं घुम्न आउने योजना बनाउनु भयो भने गाउँ पालिकाको सूचना केन्द्र वा रामारोशन बिकास क्षेत्र तथा पर्यटन ब्यबस्थापन समितिलाई अग्रिम सुचना गर्नु भयो भने होलि ,पुतला,न्याउले खेल, देउडा दोहोरी,पन्चेबाजा,हुड्के नाच भारी खेल,हेरेर मनोरंजन लिन सक्नु हुने छ त्यसैले एकपटक तपाईं हामीले पुग्नै पर्ने स्थानको नाम हो रामारोशन ।
अहिले बजारमा सजिलोसँग संग उपलब्ध हुने खाद्यान्न पदार्थमा बिषादी मिसावटको शंका गरिरहेको समयमा तपाईं हामी रामारोशन पुगे पछि त्याही वरिपरि उत्पादन भएको मोटो रातो धानको भात दाल आलु स्थानीय जातको कुखुरा खस्सिको स्वादका साथै अछामी परिकारका खाने कुरा मासको फाणो,डुब्का,बटुक,बाबर ,लाउन ,कोदो चामलका माणा ,र ढुक ढुके रोटि कोदेको फाणो , पिनापानी ,गहु कोदो र मकैको रोटी सजिलोसँग संग उपलब्ध रामे क्षेत्रका गेष्टहाउसमा पाइन्छ । फरक संवाद लिनका लागि पनि एकपटक रामारोशन पुग्नै पर्ने स्थानको सुचिमा रहेको छ ।
मानव निर्मित ताल बन जंगल भन्दा प्राकृतिकको गर्भमा रहेको रामारोशनमा पुगेर तपाईं हामिले पर्यटन प्रबर्द्धनमा सहयोग पुगाउन हामी सबै लाग्नु पर्ने देखिन्छ ।
