जेठ ३१,अछाम
नेपाल कम्यूनिष्ट पार्टी नेकपाका स्थायी कमिटी सदस्य भीम रावलले कम्युनिष्टहरुले आफ्नो आचरण सुधार गर्नुपर्ने बताउनु भयो । शुक्रवार साँफेबगरमा आयोजित नेकपाको कार्यकर्ता भेटघाट कार्यक्रमलाई सम्बोधन गर्दै नेकपा स्थायी कमिटी सदस्य रावलले कम्युनिष्ट हँु भन्नेले आचरण र व्यवहार परिवर्तन गर्नु पर्नेमा जोड दिनु भयो ।
नेता रावलले जनप्रतिनिधीले जनताको विश्वास जित्नु पर्नेमा जोड दिनु भयो ।उहाँले कतिपय जनप्रतिनिधीले लोभलाचमा र गलत आचरण भएको भन्दै कार्यकताबाट टाढिने सुन्न आएको हुदाँ जनप्रतिनिधीले जनताका आवश्यकता अनुसार विकास अघाढी वढउन निर्देशन दिनु भयो । उहाँले राष्ट्र, जनतालाई वलियो वनाउनका लाई विकासका गतिविधी अघाढी बढाएर पिछडिएका जाति समुदाय, महिला, दलितहरुको लागि बजेटमा विशेष जोड दिनु पर्ने धारणा ब्यक्त गर्नु भयो ।
नेता रावलले पूर्व नेकपा एमाले र पूर्व माओवादी केन्द्रको सुदुरपश्चिममा एकिकरणको काम अन्तिम चरणमा पुगेको बताउनु भयो । सुदुरपश्चिमका सबै जिल्लाको एकिकरणका साथै पदग्रहण भई सकेको र भोली अछाम जिल्ला एकिकरण गर्दै नौ जिल्लामा कमिटीले पूर्णता पाउने बताउनु भयो । उहाँले एकिकरणको प्रक्रियाले गतिशिल बनाउने भन्दै गाउँ नगर कमिटीका साथै वडा कमिटीले पूर्णता पाउने बताउनु भयो । पार्टी ब्यापक रुपमा सक्रिया हुने बताउनु भयो ।
नेकपाका स्थायी कमिटी सदस्य लेकराज भट्टले पार्टीका विचमा भएको घोषणा लामो छलफल बहस विचार धारात्मक छलफलवाट निकर्षबाट पार्टी एकता भएको बताउनु भयो । उहाँले दुईटा पार्टी एकता भएर कम्यूनिष्ट आन्दोलनलाई अघाडी बढाएर देश विकासले अग्रसर हुने धारणा ब्यक्त गर्नु भयो ।उहाँले दुई ठुला पार्टी एकता भए सँगै विश्वका प्रतिक्रिया वादी आतंकित भएको आरोप लगाउनु भयो । स्थायी कमिटी सदस्य भट्टले प्रतिक्रिया वादीले पार्टीलाई कसरी विभाजन गरेर षडयन्त्र गरिरहेको भन्दै पार्टीले जिल्ला देखि तल्लो तहका कमिटी एकता हुदै गएको बताउनु भयो । उहाँले स्थानिय तह देखि केन्द्र सम्मका नेतृत्व कम्यूनिष्ट पार्टीले नेतृत्वले एक् अर्काको सम्मान गर्दै जनताको मनोवल अनुसार अघाडी बढ्ने धारणा ब्यक्त गर्नु भयो ।
नेकपाका सुदुरपश्चिम प्रदेश कमिटी अध्यक्ष कर्ण बहादुर थापाले नेपाली समाजका समस्याहरु दुखहरु एउटा वजेट बाट नभई निरन्तर रुपमा प्रत्येक वजेटले सम्बोधन गर्ने धारणा ब्यक्त गर्नु भयो । उहाँले समृद्ध नेपाल सुखी नेपालीका लागि वर्तमान सरकार लागि रहेको भन्दै आम नेपाली जनताका ईच्छा आकाक्षा, नेपाली समाजका समस्यालाई सम्बोधन गर्ने बताउनु भयो ।
नेकपा साँफेबगर कार्यदल सदस्य शिलोज कुवँरको अध्यक्षतामा भएको कार्यकर्ता भेटघाट कार्यक्रमा नेकपा सुदुरपश्चिम प्रदेश सह ईचार्ज लक्ष्मीदत्त जोशी सुदुरपश्चिम प्रदेश कमिटी सचिव नेपबहादुर चौधरी, सुदुरपश्चिम प्रदेश कमिटी सदस्य कुल बहादुर कुँवर, मीना साउद, गोविन्द कुवर, मीन बहादुर कुवँर लगायत जिल्ला स्थिति नेता कार्यकर्ताको सहभागिता रहेको थियो । पशुपती कुवँरले स्वागत मन्तब्य राख्नु भएको कार्यक्रमको सञ्चालन मनोज रावलले गर्नु भएको थियो ।
तपाईको प्रतिक्रिया
