अछाम : बान्नीगढी जयगढ गाउँपालिकाको कार्यपालिका बैठक सम्पन्न भएको छ ।
गाउँपालिका अध्यक्ष टेक बहादुर साउँद लगायत नव निर्वाचित जनप्रतिनिधिहरूको पहिलो कार्यपालिका बैठक शनिवार बिहान सम्पन्न भएको हो ।
गाउँपालिका अध्यक्ष टेक बहादुर साउँदको अध्यक्षतामा सम्पन्न भएको कार्यपालिका बैठकबाट बिभिन्न ५ वटा निर्णय पारित गरिएका छन् ।
गाउँपालिकाका निवर्तमान जनप्रतिनिधिलाई धन्यवाद ज्ञापन,आर्थिक बर्ष २०७९।८० को नीति तथा कार्यक्रमका लागी यही जेठ १५ गते सर्वदलीय सर्वपक्षीय सुझाव सङ्कलन तथा छलफल कार्यक्रमको आयोजना गर्ने निर्णय पारित गरिएका छन् ।
यस्तै जयगढ बजार सरसफाईका लागी डम्पिङ साइडको उचित व्यवस्थापन सहित कर्मचारी परिचालन गर्ने निर्णय गरिएको छ भने गाउँपालिकामा सञ्चालित योजनालाई पारदर्शी रुपमा सञ्चालन गर्न गाउँपालिका उपाध्यक्ष बिन्दु रावलको संयोजकत्वमा ३ सदस्यीय समिति समेत निर्माण गरिएको छ ।
३,४ दिन भित्र जयगढ बजारको फोहोर व्यवस्थापन गर्ने कार्य आरम्भ भईसक्ने गाउँपालिका अध्यक्ष साउँदले दाबी गर्नु भएको छ ।
यस्तै वडा र पालिका स्तरबाट कार्यान्वयन गर्न सम्भव नहुने योजनाहरूका लागी प्रदेश सरकार र सङ्घ सरकारबाट बजेट मागका लागी सिफारिस गर्ने समेत बैठकबाट निर्णय गरिएको छ । बान्निगढी टुडे बाट
